Eh yolu Qubanın Qrızdəhnə kəndi ilə Qrız kəndini birləşdirən qədim yoldur. Yol özünün möhtəşəm dağ mənzərələrinə görə seçilir. Bu cığırın üzərində, qayalığın üstündə məşhur “Xeyir-Şər” daşları vardır. Daşların üzərinə çıxıb qışqıran zaman Qrızdəhnə sakinləri Qrızda toy yoxsa yasın olduğunu müəyyənləşdirirdilər. Marşrutumuzu həmçinin, qış aylarında donması ilə seçilən, unikal təbiət abidəsi olan Gur-gur şəlaləsindən də salacağıq. Daha sonra Qrız kəndində samovar çayımızı içib dağ maşınları ilə Qrızdəhnə kəndinə geri dönəcəyik.
Qeyd: Əgər sizin çatışmayan geyim və ləvazimatınız varsa, əməkdaşlıq etdiyimiz mağazadan ecohiking iştirakçılarına özəl endirimli qiymətlərlə icarə edə bilərsiniz.
Zəhmət olmazsa özünüzlə 1 günlük su (min. 1-2 litr) və qida ehtiyatınızı (yemək, meyvə, çərəz və şirniyyat) götürün.
+99477 461 2398 (Whatsapp | Zəng) nömrəsi ilə əlaqə saxlayın. Yerlər məhdud olduğu üçün qeydiyyatdan tez keçmək tövsiyyə edilir.
Ödəniş proseduru barədə qeydiyyat üçün müraciət etdikdən sonra bildiriləcək.
Turun başlanmasına 24 saatdan az qalarkən yürüşə qoşula bilməyəcəklərini bildirən şəxslərin ödənişi geri qaytarılmır. 48 saatdan az 24 saatdan çox vaxt qaldıqda yalnız 50%-i geri qaytarılır. Ən azı 48 saat öncədən imtina edildikdə isə tam məbləğ geri qaytarılır.
20 Yanvar m/st yaxınlığındakı Bravo hipermarketin qarşısında toplaşacağıq. 06:55-ə qədər marketdən alış-veriş etmək üçün vaxtınız olacaq.
Bakıdan Qubaya doğru avtobus ilə hərəkət edirik.
Qrızdəhnə kəndinə çatırıq və yürüşə hazırlaşırıq.
Qrızdəhnədən Gur-gur şəlaləsinə doğru yürüşə başlayırıq.
Gur-gur şəlaləsinə çatırıq və asudə vaxt (çay, nahar və s.).
Qrız kəndinə doğru yürüş edirik.
Qrız kəndində çay fasiləsi.
Dağ maşınları ilə Qrızdəhnə kəndinə doğru irəliləyirik.
Avtobusla Bakıya doğru yola düşürük.
Eh yolu Qubanın Qrızdəhnə və Qrız kəndlərini birləşdirən qədim yoldur.
Tur müddətində Qızılqaya massivi və ətraf dağların ecazkar mənzərələri, Qudyalçay kanyonu və Gur-gur şəlaləsinin bənzərsiz gözəllikləri və etnik kəndlərin məişət həyatı və mədəniyyəti ilə yaxından tanış olacaqsınız.
Bölgəyə ilboyu turlar təşkil edilir. Yaz sonu və qış ayları yürüş üçün ideal vaxt hesab olunur.
Çatışmayan geyim və ya ləvazimatınız varsa, əməkdaşlıq etdiyimiz mağazalardan endirimli qiymətlərlə icarə edə bilərsiniz.
Hal-hazırda Eh yolu turunun qiyməti 1 nəfər üçün 55 ₼-dir.
Yürüş təcrübəsinin olması arzuolunandır.
14 yaşdan yuxarı, fiziki sağlam və yürüş təcrübəsi olan istənilən şəxs bu yürüşə qatıla bilər.
55,00 ₼
55,00 ₼
Təbiətlə qalın, sağlam olun!
İnformasiya
